2022 жылдың 18 қаңтарынан бастап Қарағанды облысының барлық білім беру ұйымдарында функционалдық сауаттылықты дамыту бағытында апталықтар басталған болатын. «Кеңгір селосының №2 ЖББМ»КММ-де де бұл іс-шара жалғасын тапты. Атап айтсақ,  «Біз – бақытты ұрпақпыз!» , «Мен елімнің ертеңімін!», «ХХІ ғасыр - сауатты ұрпақ ғасыры!», «Жаңа ғасыр жастары» атты тәрбие сағаттары, видеороликтер,челлендж  және «Жалынды жастар-жарқын болашақ»,  Ақселеу Сейдімбектің туғанына – 80 жыл толуына орай видеоролик, «Тәуелсіздік – ащы термен келген тәтті жеңіс», «Жамбыл-менің жай атым, Халық – менің шын атым»  тақырыбындағы жұмыстар 1-11 сыныптар аралығында атқарылды. Әр атқарылған іс-шараларға мұғалімдер мен сынып жетекшілер жауапкершілікпен қарады. Оқушылар да әрбір мәселеге талдау жүргізе отырып, аса белсенділік таныта білді.Осыған орай болашағымыздың жарқын, келешегіміздің кемел екеніне тағы бір көз жеткізгендей болдық.